In occasione della festività di San Francesco d'Assisi, pubblichiamo la traduzione in vernacolo napoletano a cura di Sigismondo Nastri della "Preghiera per la terra nostra" scritta in calce alla enciclica Laudato si'. La lode è contenuta nel libricino "‘O canto a Dio d' ‘e criature soie", ovvero traduzioni in napoletano del Cantico delle Creature e di altre preghiere del poverello d'Assisi.

PRIÉRA P' ‘A TERRA NOSTA

Dio onniputente,
ca staie presente dint' a tutto 'o munno
e pure dint' 'a cchiù peccerella d' 'e criature toie,
tu ca strigne co 'a ducézza toia
tutto chello ca esiste,
dàcce 'a forza 'e ll'ammore tuio
pe' fà' ca ce pigliammo cura
d' 'a vita e d' 'a bellezza.
Régnece 'e pace
pe' nce fà' campà' comme a frate e sore
senza fà' male a nisciuno.

O Dio d' 'e puverielle,
aiùtace a sullevà' d' 'a condizione loro
chille ca ncopp' a 'sta terra
so' abbandunate o peggio ancora scurdate,
ca però vàleno tanto annànze a te.
Sana 'a vita nosta
pe' nce fà' pruteggere 'o munno
e nun l'arraffà',
pe' ce fà' semmenà' bellezza
'mmece ca inquinamento o distruzione.

Dio onniputente,
trase dint' 'o core
'e chille ca cercano sulo juvamiento
a danno d' 'e puverielle e pure d' 'a terra.
‘Mpàrace a scuprì' 'o valore 'e tutte 'e cose,
a guardà' 'ncantate,
a accummenì' ca simmo assaie assaie aunìte
co tutte 'e criature
pe' ttramènte ca nce abbiàmmo a venì'
dint' 'a lumèra toia senza fine.
Grazie ca staie co nuie tutte 'e juorne.
Aiuta, pe' piacere, 'a lotta nosta
p' 'a giustizia, l'ammore, 'a pace.