Gli uomini partoriscono idee.
Le donne, oltre alle idee anche i figli.
Qui ho dato alla luce un testo che amo molto. Bello, quasi elegante. Sicuramente tenero e commovente.
Come un uomo che per la prima volta diventa papà.

Una dedica d'amore da padre a figlia primogenita, con esplosione emotiva, per dire quello che nel feriale, tra fretta, routine e cose varie, non si riesce a esternare.

"E m'arricorde..."

(a mia figlia Antonella)

E m'arricorde...
Antonella,
quanno sì venuta tu,
figlia mia,
chillo juorno d'aprile
ca nun m' 'o scorde cchiù.

Na guardata sola,
e già m'avevi scavato dint' 'o core.
Nisciuno sapeva ch'era
chillo ruggito ca teneve 'nserrate 'mpiette,
chella voce arrocata e grossa,
chella freva 'e vivere...

Tu, senza paura,
t'accustaste,
cu' 'e manucce toje,
e, comme 'a Regina d' 'e mariole,
co destrezza e piglio certo,
te pigliaste 'o core mio,
comm'e fanne 'e criature
c' 'a palla.
"Papá, chist'é 'o mio".

Tutt' 'e femmene attuorne
parevano statue,
sperdute.
Mute.

"Vo' bbene a 'nu tipo accussì?
Ma chest' é pazza.
Chill' é 'nu lione!"

"Nun sta bbone ca capa,
o vene d' ‘o circo!"

Ma tu...
tu m'avevi visto,
m'ire canusciuto 'e primme,
senz'esitazione,
d'istinto,
m' é guardate e scegliute,
unica e prima femmena,
senza discutere,
accussí pe' comme song.
Senza pretennere 'e me cagná,
nu guaglione miezo scetato,
nudo e sincero.

E io, io nun tenevo cchiù catene.
Libero, comme 'a l'aria!
Comm' ‘e cavalle pazze
d' 'e praterie celesti.
Je esultavo 'e felicità,
primo uomo d' 'a Terra,
ballavo ch' ‘e stelle.

Pigli' 'o cielo ch' 'e mmane,
figlia mia!
Tocco 'o cielo,
pecché t'aggio avuta.

Mo ‘a vita mia è chiena,
nun manca niente.
Né sole, né pane, né respiro.
Mo' penze ca
nun more cchiù,
no.
Mo' ca staje tu,
io songo pe' sempe.
Immortale.

Klaus di Amalfi